68歲嘅新創建（659）執行董事曾蔭培升職呀，佢將於7月1日正式升做行政總裁（CEO）。前警務處處長曾蔭培2003年底退休，離開工作38年嘅警隊，2004年中就去咗新創建做執董，至今都有11年，佢咁多年都係新創建話事人，對上已經係主席鄭家純。根據年報，曾蔭培舊年總年薪875萬元，升任CEO當然有人工加，預料升職後至明年6月底止財政年度，佢將獲1,100萬元薪酬。𠵱家好多後生仔成日想靠投資股票發達，40歲前就可以退休唔使做，曾蔭培反而就一路工作，唔願退休，𠵱家啲後生仔真係要跟佢多多學習。