黃心穎一向畀人感覺係甜姐兒，有啲大懵又幾可愛，心穎BB確係有唔少宅男支持者，估唔到佢連上機都咁大頭蝦。
心穎BB昨早8點幾準備同女友人去玩，未出發先有驚嚇，喺instagram留言：「Love going to the airport!Sayonara oh!sayonara oh!哈哈!呢個trip已經有個好難忘的開始，好耐無試過要喺機場奔跑，皆因我地(哋)大頭蝦睇錯boarding time，差d(啲)上唔到機!」認真夠晒刺激!不過，就算趕咗上機，亦未必有得飛!
心穎BB昨午12點幾再喺ig寫道：「估唔到上完機咁快就腳踏實地!我知我睇錯boarding time係我唔啱，但係咁都唔使罰我board完又轉坐第二架機，delay近四個鐘㗎!真的憤怒了!」