一個短跑手年過30，又被罰停賽過四年，相信佢好大機會退咗休；但33歲嘅基寧就唔係咁講，佢雖然因為過唔到藥檢而被罰停賽四年，但喺2010年復出後越跑越好，早前先以9秒74締造今年最快嘅男子百米跑時間，日前又喺美國田徑錦標賽200米跑以19秒57掄元，係歷來第五快嘅時間。真係好期待喺八月北京世錦賽，睇基寧同牙買加「飛人」保特對決！