民建聯首位女當家李慧琼接受黨友蔣麗芸網上訪問時訴心聲。2004年先加入民建聯嘅李慧琼子憶述，民建聯喺2003年嘅區議會選舉慘敗，當年身為九龍城區議員嘅佢連任後聽到好多人好霸氣咁話，要喺04年嘅九西立法會選舉全取4席，踢走曾主席（即係佢恩師曾鈺成），佢一直好尊敬曾鈺成，「唔抵得啲人咁霸氣」，所以04年加入民建聯，一齊去打拼。
傳媒眼前嘅李慧琼子一向淡淡然，情緒好穩定，冇乜發作時刻，元秋都有問佢點保持，李慧琼子話「如果有一日我都好嬲嘅話呢，咁就真係好嬲㗎喇」，元秋聽到大嘆：「EQ真係好重要，特別喺政界」。由元秋嚟講，特別有說服力。