人民銀行旗下刊物上周話，本月底前唔會減息降準，成為A股狂瀉原因之一。但卻突然上周六放水，點解？或者同社科院一篇文章有關。該院金融研究所副主任尹中立上周大跌市時，發表咗一篇文章，話當年台灣國民黨就係因股市大跌，而輸掉江山，一定唔可以重蹈覆轍。
台灣80年代初推出孖展，由1985到1990年，指數五年間漲了20倍，中國人第一次有咗槓桿牛市。但由1990年2月份開始，台灣股市從12000八個月的時間跌到2400點，無數人傾家蕩產，社會大亂，民進黨乘勢崛起，國民黨之後亦因呢場股災輸掉江山。
要知，民進黨上台係因為好多其他原因。但中央領導就算唔識股市都一定懂政治，若內地因股災而社會動盪後果必嚴重過台灣，點都要撐住。
黃尹華