太古地產（1972）早於2006年入股香港興業（480）位於上海靜安區嘅大型綜合發展項目，各佔一半股權，呢個項目一直叫做「上海大中里」，唔知係咪因為「大中里」呢個名有啲繞口，講講吓又好容易被人講咗做「大鄉里」，兩間公司最近終於為呢個項目改名，名為「上海興業太古匯」。
太古地產第一個喺內地發展嘅大型綜合項目就係叫做廣州太古匯，之後嘅項目包括北京三里屯太古里、頤堤港、成都遠洋太古里，其實簡簡單單將其他內地項目都叫做太古匯咪好囉，既統一，又容易記住，何必改咁多個名呢？上海項目嘅新名又有齊城市與兩個股東嘅元素，都幾好吖。
呢個項目包涵寫字樓、精品酒店、服務式公寓同埋商場，𠵱家仲起緊，預計明年開始分階段落成。