【拗腰伸腳】
最近流行反手摸肚臍去證明有好身材，不過對於KARA成員許英智嚟講已經濕濕碎，佢已經去到邊拗腰邊伸直隻腳嘅層次。筋骨柔軟嘅佢當然冇難度，但奉勸各位就唔好亂試喇！
【日日操練】
如果工作唔係太忙，許英智好有恒心，會唔怕辛苦日日走去操練，享受流汗流到成身濕晒嘅感覺。佢仲話開始咗五個月，但已感受到運動帶來嘅好處，就係人都精神咗。
【強勁臂力】
許英智有玩開普拉提之類嘅運動，所以要做起呢類凌空拗腰、需要強勁臂力嘅動作，佢三兩下手勢就可以搞掂，而且仲可以keep住個動作好耐，真係要寫個「服」字。
