WhatsApp建制派對話內容外洩，引起軒然大波，首當其衝的受害人當然是立法會主席曾鈺成，多年來較公立的形象一朝喪，其次個別議員的個性盡露，例如王國興原來「衰咗」也拒絕道歉，無意面對選民，而向來低調的大律師廖長江，原來圖為建制派缺席投票度橋開脫。但有建制派指，個別議員的受害程度遠不及整體建制派，因為建制陣營已因此事失去互信，長遠要整體行動，恐怕較之前更難，難怪有傳西環中人私下亦嘆建制派「潰不成軍」，重整之路既長且艱難。
「邊個係人，邊個係鬼？」有建制派苦笑：「我哋自己身在其中都唔知。」縱使中聯辦主任張曉明日前與建制議員茶敍時，對WhatsApp內容曝光震怒，但為了將建制派的傷害盡量減至最低，亦要表明有關風波必須到此為止，以免分裂一發不可收拾。
穩定軍心 還看譚耀宗
該建制派中人相信，張曉明肯定氣在心頭，但事情既然已經發生，「無論係有心放料，抑或真係誤打誤撞俾傳媒𠱁到而搞出大頭佛都好，一切已經返唔到轉頭，唔通中央家法侍候？咁傳媒咪仲多嘢寫，泛民唔做嘢都有分加。」
季陶聽聞，這一役確令建制派重創，因為互相之間的猜疑升至極點，口裏雖然說要向前看，以後如何合作，卻是高難度動作。他們不諱言在這段軍心動盪的時刻，只有一個人有江湖地位統領大軍，就是民建聯前主席譚耀宗，「就算葉國謙再吹雞，都肯定冇乜人理佢，始終都係得譚耀宗指得郁田少、葉劉同大輝，𠵱家大家都估緊，呢次之後，阿譚係咪仲可以退，下屆新西立法會選舉，係咪顧全大局要留低？」
季陶
周一至周五刊出