有人滿肚子怨氣，卻選擇啞忍不願發聲；有人為爭取訴求，敢於鏡頭前大數政府的不是。面對左耳入右耳出的政府，港人有冤無路訴，周三「七‧一大遊行」正是上街表達訴求的好機會。
記者：趙永傑 攝影：王俊龍
七個代表不同界別的港人，七個在背後鬱結的故事，每人心中各有訴求。來自馬屎埔的馬寶寶社區農場的農夫區先生，一度被地產商及政府逼遷，他與女兒決抗爭到底。「希望做到城鄉共生，保護香港嘅農田，地產商同政府唔好再蝦農夫！」談到訴求，區先生認為農夫會自力更生：「政府唔好搞我哋已經好好咯！我哋只係想要一個真真正正嘅農業政策。」區先生怕的不是在農田日曬雨淋，而是怕政府的逼遷與租地問題。
派發待用餐券給基層人士，卻換來被投訴阻街的下場，味芳粉麵茶餐廳老闆鍾偉豐，一心想社會變得和諧，少點怨氣，還有是幫助老人家與基層人士。「希望梁振英聽多啲市民意見，好似七一遊行咁，每年都會遊行，但遊行完之後第二日瞓醒，動作（政府）依舊。」鍾偉豐心中最熾熱的訴求並非為個人利益，而是關心社會就業問題。「大學畢業生都係搵萬零蚊，學識低嘅又點算？新移民又搵唔到工，個個排住去攞綜援，呢個係社會問題，我希望政府製造多啲就業職位出嚟。」
患有先天性神經線纖維瘤的Sandra，由於被纖維瘤壓着神經線，令半邊身體長期飽受麻痺疼痛感覺。Sandra只能與電動輪椅為伴，進出醫院已習以為常，她最想談的是政府醫療不足問題，尤其輪症時間太長。「輪候時間可唔可以唔好咁長？衰啲講句，我有cancer（癌症）嘅話，排六年先排到我，我都死咗啦！」
每次看醫生覆診，Sandra由樂富出發，過海到薄扶林瑪麗醫院，車程轉轉接接，對傷健人士來說難度更大。要面對輪候時間的同時，Sandra又要面對高昂的藥費。「普通止痛藥對我已經冇效，如果要買好啲嘅藥要自己畀錢買，可能要千零蚊一粒。一份綜援只得二、三千蚊，即係買三日藥我已經冇錢食飯。」Sandra希望政府可以考慮將不同種類的藥物，放入藥物名冊之內，好讓更多病人受惠。