一句“No Music，No Life”大家耳熟能詳，但有音樂，是否等於有生活？早前網民就瘋傳一段方大同揸的士的片段，惹來坊間諸多猜測。近日方大同更於一訪問真情剖白，真心大呻「音樂很窮」。莫非香港真係有娛樂圈，冇樂壇，連才華橫溢的方大同都生存唔到，轉行做的士佬？
早前DCFE.com訪問了方大同、MastaMic、馮穎琪、Edward Chan及糖兄幾位來自不同範疇的音樂人，就現今樂壇苦況現身說法。對作為音樂人，方大同不諱言表示，愈來愈少人去欣賞音樂的本質，只能無奈地嘆一句「音樂不好做，是蠻慘的現實」。而糖兄更坦言：「做音樂，係一件好似連三餐都成問題嘅職業。」講到咁冇希望，點解佢哋仍然堅持呢？
「我相信做音樂嘅人，內心絕對比好多人富有。」馮穎琪表示無論如何都不要心灰意冷。面對樂壇今非昔比，Edward Chan仍寄望「好歌有好報」。而MastaMic則熱心呼籲「如果想樂壇變好，大家可以多做一點」。原來堅持，除了問幾多錢一茶匙，更重要，係要問有幾多人支持。幾位「音樂窮人」人窮但志不窮，正如方大同所說「做音樂，不能有『怕』這個字」。只要有人堅持，有人支持，樂壇，相信還是有出路的。
特約報道