朱盈盈在2013年報名選港姐，在第二輪面試被踢出局，隨即轉戰亞姐，並順利入圍以《2013亞洲小姐競選》港區代表出戰大中華總決賽。參與過香港兩大選美會的朱盈盈，前日她受訪時認同選港姐是靠背景講關係。
提到與她同屆、今日的大紅人陳凱琳，朱盈盈說：「陳凱琳都見過，有一面之緣，借過我件衫着，俾佢披吓，嗰時真係見到好多嘢，佢哋啲背景都幾勁，幾雄厚實力，選港姐係好講背景，人物關係。可能係有關係會多啲贊助。」無背景無關係的情況下，單憑實力的朱盈盈再戰中國小姐最終勇奪季軍，她說：「其實亞姐啱我多啲，亞姐sell個人實力，同埋亞姐喺內地市場做得幾好。𠵱家簽咗新公司，未來都會向演戲方面發展。」
採訪：嵐山
場地：海洋公園
