懷舊風越吹越旺，幾十萬人為一齣20幾年前舊劇捱眼瞓、無數人熱切期待荔園重開；80年代歌手、幕後人則輪流舉行演唱會及作品展，究竟「集體回憶」已變潮流，還是一切皆新不如舊？入行32年的呂方，是不少人回憶一部份，將於9月舉行紅館個唱的呂方，日前接受本報專訪時卻嘆謂：「𠵱家已經冇百聽不厭嘅歌！」
撰文：鄉奈仁
現年53歲的呂方，83年憑靚聲演繹《我是中國人》，奪得第二屆新秀歌唱大賽冠軍入行，多年來唱過無數金曲，《聽不到的說話》、《不捨得你》、《彎彎的月亮》陪伴不少人成長。「神劇」他亦有拍過，84年有看過《新紮師兄》的你我他，一定不會忘記「高佬泉」。
呂方笑說：「我都估唔到，𠵱家好多人見到我都仲會叫我高佬泉，真係好深入民心，又有好多人話見到我個樣就想笑，我都唔明點解。」有沒有興趣再演戲？拍笑片？呂方說：「唔會刻意，但又唔會好抗拒，近年自己都多咗睇戲，有時下晝冇嘢做會一個人走入戲院睇戲！」
「香港好多好歌手」
前年是呂方入行30年，但卻選擇在今年才開演唱會，為何？他說：「其實前年已經想開演唱會，但申請紅館個期申請咗好耐，搞到變咗32周年先開得成。」
紅館檔期密麻麻，單是去年年尾至現在，舉行演唱會的歌手有譚詠麟、鄭秀文、楊千嬅、杜德偉等，舉行作品展的則包括吳國敬、顧嘉煇及潘源良，通通都是80、90年代歌手或筆下寫了無數名曲的幕後人。問呂方有否感到樂壇青黃不接？他嘆謂：「𠵱家已經冇百聽不厭嘅歌！但有時我會諗，係咪𠵱家啲製作人要趕住起貨？根本冇時間創作！」
呂方認真說：「其實香港好多好歌手，亦唔係冇好歌，但令我最懷念嘅始終係以前啲歌，陳百強、梅艷芳、張國榮，佢哋好多歌都好好聽，今次演唱會我都會唱佢哋嘅歌。」
「我除衫冇人想睇」
距離紅館演唱會尚有兩個多月，不少歌手會在這期間瘋狂減磅、健身谷胸肌，但現時身形還是「圓碌碌」的呂方卻一點也不焦急，他還笑說：「又唔係要露腹肌，我除衫冇人想睇啦！𠵱家最緊要係諗歌單，今次演唱會我唔單止唱自己嘅歌，仲會唱好多其他人嘅歌。」