【借勢向上】
人行昨突然「落重藥」救市，市場看好周一中港股市可反彈，惟要控制持倉水平，可考慮趁股價回升減持「蟹貨」。中國銀盛資產管理董事吳家順預期，周一中港股市將出現報復性反彈，惟持貨太多的投資者，可考慮減持部份股份。
他說：「滬綜指周一反彈150至200點應該唔係問題，港股最少可以反彈300至400點，若氣氛良好，反彈500至600都唔係大問題，外圍唔會對港股構成太大負面影響。」他建議若有投資者早前錯失了減持機會，手上仍持有大量股票，可伺機減持。
對於有分析指，今次中央「落重藥」救市，全因為外資「唱衰」內地股市及經濟表現，要向外資還以顏色，吳家順不太認同這個說法。
港股彈500點唔奇
訊匯證券行政總裁沈振盈亦料周一會有一個像樣反彈，惟能否維持要看內地股市表現。他說：「彈400至500點一啲都唔出奇，但可能因為期指結算，周一上午反彈力度可能會較弱……希臘有可能違約嘅負面因素，相信部份已在上周五反映，對本周港股影響有限」。他建議投資者若想「入市」，可選擇中資金融股、保險股及內房股。