雷神莫雷拉早前於英國客串犯規，被罰禮拜六(27日)賽後，一連兩個香港賽日唔能夠上陣，七月八日至可以復出。
雷神季內四次停賽前例贏，值得注意嘅係當中三次屬田戰，每次均贏三場或以上，而這三次例有摩廐馬由雷神建功，證明大摩好識把握機會，在雷神停賽前夕搵佢搏殺，估計今期又有大搞作！
今期(27日)摩廐有四駒交畀雷神發揮，其中第七場「飛來猛」堪稱雷神之友，人馬合作九戰三勝五位一殿，準到冇朋友，至今三捷清一色贏同程千四米，上仗二班跑第五亦加一分，現時80分剛合資格跑到呢場三班同程，故劍重逢好令人憧憬。
第三場「多個世界」前仗一檔輸少少做二奶，上次14檔神仙難變，呢勻出王牌排八檔好跑得多，對手唔強，有機會乘勢出頭。
至於第二場「衝鋒友」，月初由雷神試閘幾乎放到，初出打王牌跑最易應付之直路賽，合乎馬主一貫急進作風，有力打響頭炮。