萬眾期待嘅《迷你兵團》（Minions）將於下月9日上映，今集電影會焦點於迷你兵遇上大惡人，仲誇張到要追溯番遠古時代，原來迷你兵以前只係一粒細胞，由海入面都一路搵邪惡波士追隨，慢慢至進化到有手有腳嘅迷你兵。
今集迷你兵主力玩溫情，三隻迷你兵為咗拯救自己嘅族人，外闖搵邪惡波士，不過因為阿Bob又蠢又單純，小小超又成日闖禍，所以加分好似個大哥哥咁湊住兩個細佬，而迷你兵由暴龍、拿破崙及到今集登場嘅邪惡女魔頭煞天嬌，總共換咗十幾個波士！據知今集《壞蛋獎門人》（Despicable Me）嘅犀利哥都會現身，而片頭同片尾都有隱藏短片播出。
撰文：多雪花