長和主席李嘉誠噚日一如既往出席汕頭大學年度畢業禮，今年佢致辭就揀咗「求成者OS（operating system）」做主題，用智能手機系統比喻人生，話內核（Kernel）就好似「仁」，以「仁能善斷」、「仁能善擇」先能夠令人生變得成功、豐盛、快樂、充滿尊嚴喎，寄語大學生要將待人接物嘅「應用程式介面」節奏掌握運行自如。
李嘉誠2013年揚言，會有第三種手機OS崛起，同iOS和Android抗衡，但兩年幾以嚟一直只聞樓梯響，但八方聽聞，李嘉誠嘅開發新OS大計已經擱置，因為有其他人用更貴嘅價錢搶先投資咗佢原先睇中嘅OS，所以𠵱家用更有哲理嘅「求成者OS」頂上。
李嘉誠紅顏知己周凱旋今次亦有陪同出席，佢今次幫汕大畢業禮引入咗一間叫「Obscura數碼」嘅公司，喺現場佈置咗360度多媒體屏幕，聽聞遲吓會有進一步合作。