漫畫家鄭健和首部執導的電影《野狼與瑪莉》，改編自其同名原作漫畫。電影中充斥高登語言，發現導演亦是巴打一名，他說：「係呀，不過我係CD-Rom（齋讀不寫文），高登有好多嘢睇，可以畀漫畫參考，原作《野狼與瑪莉》入面都有好多高登嘅嘢喺度。片中男主角就係巴打口中嘅『毒X』，連詩雅係絕頂港女。」他承認電影版跟漫畫一樣，故事有點踩界，主要是血腥及意識大膽，但沒有想過連詩雅的含大雕燒有如此大迴響：「冇諗過，估唔到班網民會咁大反應，連詩雅拍嘅時候都好自然。」他表示現今作為漫畫家的生存空間越來越少，要殺出一條路並不容易，他說：「肥良（溫日良）、馬Sir（馬榮成）已經係神級，隨住資訊發達，相信未必有人可以去到呢個級數。」