【飲食籽】花膠大如手掌　滋補自助餐任食鮑參肚

家陣自助餐越出越豪，十間有八間索價也過六百大元！錢既然要花，當然要選一間多嘢食兼食材矜貴的。

冷盤有原隻麵包蟹、加菲蟹箝、格陵蘭紅蝦及青口等，每款也配上獨特口味的醬汁。

最吸引的熱葷有上湯燴花膠，每隻也比手掌大，抵食！

滬式冷盤小食在自助餐中較少見，是副主廚Tony親身到上海學來。

前身是萬豪咖啡室的JW咖啡室，經重新裝修後再度登場，走「地道香港」路線，掛有一幅巨形黑白維港照片及以有機木磚砌成的香港地圖，極富親切感。

沙律吧設計也有特色，將不同的菜及配料放在一個個膠盒內，非常有型。

女士們最愛的甜品至少有十五款，必試cafe自創的香港歌劇院蛋糕，混合了奶茶、咖啡及蛋撻味道，有新意。

不過cafe主角始終是食物，由副行政主廚Tony Wong精心挑選的buffet美食，當中最吸引的必定是上湯燴花膠及冬菇燜原隻鮑魚，用料十足，隻隻花膠也比手掌大，在自助餐中實屬少見。其餘足料菜式包括蒸龍躉、紅燒蠔油海參及波士頓龍蝦箝伊麵等，而冷盤則有原隻麵包蟹、加菲蟹箝及格陵蘭紅蝦等，絕不失色。

以「地道香港」做主題，怎少得了即叫即製的蛋卷。

部份菜式只在晚市供應，如鮑魚及海參，建議先致電查詢。

自助餐價錢（每位成人）︰
早餐$298、午餐$388起、晚餐$618起

JW咖啡室　香港JW萬豪酒店五樓

記者、攝影︰黃依情