【本報訊】前立法局主席黃宏發批評，曾鈺成在政改表決時「做咗好多不智嘅嘢」，例如加入建制派短訊群組就是一大錯誤，因為身為主席要不偏不倚，若主席只與某批議員秘密通訊會惹人懷疑；至於曾鈺成要否辭職，黃指要視乎曾是否「行得正、企得正」及議員是否續信任。
「仲點可以主持個會？」
黃宏發稱主席要「同人疏遠，就算深交亦唔可以行得太埋」，形容做主席是「好寂寞嘅工作，曾鈺成似乎唔明白」。從傳媒披露的訊息所見，曾鈺成提到「等大嚿（人民力量陳偉業）講先」已屬出謀獻計。
黃續指若曾鈺成有意令會議暢順，應與所有議員商議，即使泛民的梁家傑向主席傳紙仔，他亦應在會上公開讀出，今被揭發私下聯絡，「畀人覺得你係同埋一夥，仲點可以主持個會？」對於曾鈺成聲稱要控制會議何時完結，「我嘅年代唔會咁，由范太（范徐麗泰）至開始調控時間，我認為唔正常」。
至於曾鈺成昨晚隨建制派到中聯辦，黃也覺得曾不應該參與，因中聯辦只是選擇性邀請某批議員，「作為主席一定唔去得，唔可以同某一班人去，唔可以偏袒多數人，亦唔可以偏袒少數人」。至於曾鈺成應否辭職，黃指是曾鈺成的個人決定。
被泛民形容為「黑哨」的曾鈺成，2012年在泛民拉布期間，知悉建制派黃宜弘會提出終止辯論後，以一句「返嚟就郁」配合建制派行動。
■記者麥志榮、呂浩然