近日令名媛無法抗拒的美國紐約「蛋糕王」Lady M，下周三7.1先殺入香港尖沙嘴海港城，昨日本報率先安排少年食神林澄光（Michael）試食其中原味千層蛋糕、抹茶千層蛋糕和法式芒果熱情果撻三款口味，他如港女一樣手機先吃。
Michael表示曾於紐約和新加坡吃過Lady M蛋糕，他先試原味：「食落口軟綿綿，呢款係素食人士福音。」Michael緊接試芒果撻：「呢款我第一次食，芒果多到見唔到個餅底，佢嘅芒果好甜有啲腍身，我估係菲律賓芒，如果換咗泰國芒會清爽啲。」Michael最後試吃抹茶味：「抹茶中和咗蛋糕嘅油膩，我最鍾意呢款，芒果撻有啲甜，可能香港溫度熱，大家食時要雪硬少少，同時配一杯熱伯爵茶或者鐵觀音會好啲。」
採訪：比華利
攝影：周樂恒