上水鄉委會主席侯志強日前向八方透露，新任鄉議局主席劉業強鼓勵佢參選立法會新界東補選。
噚日鄉議局執委會上演力撐侯志強嘅戲碼，首先劉業強話鄉議局對派人參選一事有三個方案，一係自己派人選、二係唔派人選但幫人抬轎、三係既唔派人亦唔幫人。
發仔呢頭講完，屏山鄉委會主席曾樹和就話，「佢（侯）唔入地獄、邊個入地獄？試吓地獄有咩先！」，「唔好推搪喇！阿強，上！」侯志強聽完笑到四萬咁口。
鄉議局副主席張學明就相當冷靜，提醒大家若侯志強𠵱家話去馬，開始計競選經費㗎喇，況且仲有時間，不如從長計議。
侯志強就話未同家人商量，都係等鄉議局傾咗先喇，無論係咪佢選都好，希望今次可以凝聚新界人嘅力量。