你買咗防偷窺芒貼未？建制派呢幾日大派笑彈，最新係WhatsApp討論投票策略短訊外洩。立法會主席曾鈺成喺群組中指，有好心人提醒買防偷窺芒貼，以免被人拍到電話內容。
咁都要好心人提醒？呢啲芒貼已經出咗幾十世，30至500元不等，費清用過嘅係淘寶貨，7蚊人仔（約10港元）有交易，效果唔錯㗎。
不過今次外洩明顯有內鬼，用芒貼都冇用。不如參考主打貼圖（Sticker）功能嘅LINE，佢香港官方facebook噚日抽水，指「開會嚟講，用LINE貼圖嚟討論投票策略，既方便又快捷」。仲有圖㗎，主席發熊大問號貼圖，有人則回應「衰咗喇」（圖）。各個角色代表邊個？大家可以對號入座。
費清就建議，建制派可以用LINE嘅Sticker做暗號，就算俾外人睇到，都未必知你哋講乜。唔知建制派覺得，M豬Sticker應代表邊位黨友？
＃要生計，也要生活 ＃毋忘初衷
費清