【本報訊】正當政圈為建制派機密WhatsApp內容外洩議論紛紛之際，特首梁振英昨突然約見公民黨即日見面，稱希望與該黨「傾吓偈」。公民黨就以時間太匆忙，無法安排，婉拒邀請。有泛民猜測梁或許想借此，轉移公眾對建制派WhatsApp內容外洩的視線。
邱騰華：冇乜特別議題
公民黨黨魁梁家傑表示，昨早11時收到特首辦主任邱騰華的邀約電話，他查詢黨員意見後，因時間不合拒絕，「由於佢通知嘅時間太過短喇，我問完後，發覺大部份議員5點鐘都唔得，咁所以我就覆番邱騰華，話今日恐怕冇人可以去同特首傾偈嘞」。梁家傑問過邱騰華，究竟特首想討論甚麼議題，對方指「冇乜特別議題」，令他感邀約「奇怪」和「騎呢」。
梁家傑又指，雙方因會面時間不合而「約唔成」，但又未有定出下次會面時間，「佢（邱騰華）講到好似今日特首好似好得閒，有個空檔，叫我哋去傾吓偈啦咁」，公民黨希望先了解特首想與該黨交流的議題，再決定是否會面。據了解，公民黨其後再收到特首辦的邀請，於下周一會面，但公民黨多名議員因要出席立法會會議，故再度推卻邀請。
政府消息人士則指，梁振英昨日想約見公民黨，就經濟民生議題交流，但未有計劃再討論普選和成立創科局問題，指梁自政改否決後已表明，希望與立法會建構「新行政立法關係」，透露除公民黨外，稍後亦會約見其他民主派議員。
■記者林俊謙