梁思浩為nowTV收費台主持《娛樂審死官》，節目的口碑和收視成績不俗，不過昨日有報道指因nowTV的「香港電視娛樂」獲發12年免費牌照，資源要全力投放到免費台，於是102觀星台將在9月尾摺埋， 思浩和梁榮忠主持的節目亦會被cut。昨日思浩在柴灣錄影節目時被求證此事，他說：「我冇聽過要停呢個節目，亦都唔知會唔會停第二啲節目，所有動向等佢哋公佈。」問他有否向公司了解？他說：「我冇同高層傾過，但係我同now、有線仲有好長嘅合約，但係我唔知佢哋嘅動向，今日都有好多人打過畀我，我想同大家講唔使擔心，我梁思浩大把嘢做。」據知，nowTV方面亦向員工表示下「封口令」。
採訪、攝影：馬建華