滿載港人集體回憶的荔園今午在中環重現，藝人譚小環夫婦、黎燕珊及張崇基一家等，昨日先後入場試玩。小環和老公蔡強榮（Eric）婚前曾到荔園拍拖，昨日小環先玩吸蕉大笨象後說：「一比一荔園大象，雖然假但同真象一樣，佢個口會擘開，如果隻蕉掟中佢個口，佢個鼻就會噴水整濕你，同埋會嗌，我覺得好玩。」Eric最愛掟階磚，眼明手快掟中獲香口膠，小環大讚老公夠叻：「重拾番那些年感覺，玩得好興奮。」小環再童心未泯玩恐龍屋滑梯。
慈善日念邱德根
黎燕珊指邱達根一直有意重建荔園作為給父親邱德根的生日禮物，邱達根昨日說：「之前應承爸爸會做，今日係爸爸逝世101日，所以特別搞慈善日，搞荔園籌備咗大半年，用咗好多IT應用科技，仲將荔園兩大神獸象同恐龍帶嚟中環。」
採訪：楊潔雯、譚倩宜
攝影：陳順禎
