國務院總理李克強星期二主持國務院常務會議，除刪除75%存貸比的規定外，亦大力支持互聯網+，比較實質嘅係講明加大政府採購雲計算嘅服務力度，同埋支持互聯網企業上市；同時亦會表明會清理阻礙互聯網+發展嘅不合理制度政策，個會好明顯地唔係淨係利好銀行。
除咗國務院常務會議之外，國務院亦會落實咗國家製造強國建設領導小組，呢個小組係中國製造2025，即係工業4.0嘅統戰領導，似乎工業4.0嚟緊都會陸續有相關支持政策出台。
滬市上個星期唔見咗13%，經過呢一役之後，內地又出現奇怪維權，內地傳媒報道有資歷淺股民，據聞淺嘅程度係只有幾日，透過網上軟件買入股票，結果輸錢要求回水！又有股民以70萬元為資本，以1:5方式買入300幾萬股票，個市大跌之下被強行平倉，結果一個星期輸晒70萬元，似乎呢種大上大落式嘅慢牛都唔係人人受得住。
今個星期二復市就嚟個大奇蹟，加埋一堆利好政策，難怪阿爺對兩融睇得咁緊，因為唔借錢仲有機會坐一會，借錢分分鐘連坐嘅機會都無。
流氓