禮拜六舉行今季最後一次田C加3欄賽事，睇番上季6月22日最後一次田C加3欄賽事，前置馬佔壓倒性優勢，總共有八匹頭馬守前三位入直路建功，其中「感恩」、「幸福指數」及「喜蓮巨星」更加係一放到底贏馬，具前速之馬匹要優先留意。
今戰列陣馬中，八場「鑽飾傳奇」上仗正是於C加3欄贏馬，勝後等番同一移欄再跑，睇部署決心添食。另外，尾場「天時駿駒」跑C加3欄1400米一次即入Q，本身均速段段有之跑法最適合在呢條跑道發揮，用吳嘉晉減磅有機會放到食尾糊。
至於兩場泥地都跑1200米，三月至今17場同程，16次有一至三檔馬上名，可見大利內檔馬，頭場「鑽飾天使」及第四場「大把籌碼」等擅跑泥地之內檔馬值得優先留意。