這晚快活谷第四場四班千二米，發生驚險意外，事緣排一檔之「勇戰」出閘後一直貼住欄跑，冇耐跑至對面直路初段，馬兒突然疑似腳部受傷俯首前跪倒下，連帶鞍上人毛里裘斯籍騎師田泰安，亦被拋倒地上，滾地葫蘆連環撞到內欄欄杆，幸而當時只係賽事早段，所有馬都未全速跑，而「勇戰」後面亦冇太多馬匹，田泰安沒有被其他馬踩倒，但右肩仍受創，馬會立即將他送去瑪麗醫院接受治療，送院時保持清醒，餘下座騎要易配。而此場結果由姚本輝訓練、莫雷拉操刀的「綠茵風采」勝出。
至於「勇戰」因腳部折斷，當場被人道毀滅，四歲馬只係贏過一場，就要永遠離開呢個世界。「勇戰」練馬師蘇保羅非常黑，4月有「駿穎」鞍上人郭能墮馬，「駿穎」斷腳亦人道毀滅，上月此馬房亦有「千杯豪情」戰死沙場。