【本報訊】建制派政改表決「甩轆」事件引起社會討論外，北京亦十分關注，工聯會立法會議員昨日透露，特首梁振英於周日晚、即表決後三日，在禮賓府私下約見工聯會6名立法會議員了解「甩轆」事件。有份出席會面的工聯會鄧家彪承認，會面有談及「甩轆」事件，「都係掃吓背脊，叫我哋唔好氣餒，叫大家唔好咁介意」，又指梁對建制派「冇讚冇彈」。
無追究「甩轆」責任
據鄧家彪稱，工聯會與特首交流約兩小時，會面期間有向梁提及「甩轆」事件，「我哋（工聯會）集體有失誤，當然處理咗自己的失誤先啦」，鄧又稱當日「甩轆」時是「電光火石」，慨嘆：「喺嗰個情境，我哋走又難，留又難」，指目前最重要是穩定軍心。
陳婉嫻昨日亦承認，周日晚近9時曾到禮賓府，與梁振英會面至近11時，指梁振英主要想了解表決時的情況，「因為我哋都係直選產生，佢都想了解吓個情況」。問到梁有否追究責任，陳婉嫻立即反問：「佢（梁振英）有乜角色去做呢啲動作？禮貌上都唔會講出口啦」。
■記者林俊謙