世界自然基金會（WWF）今年4至6月到57家中式食肆及海鮮酒家進行調查，發現平均每間食肆供應嘅海產有52%都屬「紅色──避免」類別，即係已被過度捕獲嘅品種，較去年跌16%；而屬「綠色──建議」類別，即是對環境影響較少嘅海鮮，則由去年16%升至38%。
為咗令市民喺品嚐海鮮之餘，都為保護環境出一分力。WWF本月27日到7月5日會舉行「環保海鮮週」，同114間餐廳合作，提供環保海鮮餐單，仲舉行攝影比賽，只要消費者喺任何一間參與環保海鮮週嘅餐廳品嚐環保海鮮餐，拍低菜式相片並寫下食評，喺加入標籤一欄填上wwfhk及SSW2015，上載至OpenSnap《開飯相簿》同其他社交平台，就有機會贏獎品！詳情可瀏覽 http://www.opensnap.com/HK/launch/web/index.html