利物浦隊長謝拉特告別英超，去美職聯嘅洛杉磯銀河繼續職業生涯。喺佢離開英國前，有電視台搵咗前國家隊隊長里奧費迪南同佢做個專訪。謝四話上屆歐聯對皇馬做後備，令佢覺得係時候離隊，「對皇馬場波我好想踢，但為咗球隊利益，我要坐後備。因為我同羅渣士嘅關係，我接受呢個決定，但喺板凳上我好沮喪，我真係好想踢。令我作出離隊嘅決定，去嘗試新環境。」
博物館增設專區
喺13/14球季嘅英超，利物浦好接近聯賽冠軍，但謝四喺對車路士場波跣腳，搞到球隊輸波，冇咗個冠軍。謝四話：「嗰次跣腳係我永遠嘅痛，相信會伴隨我到死嘅一刻。因為如果冇跣腳，我就可以同利物浦實現夢想，實在太傷嘞！」另外，利物浦球會博物館下星期一會正式開放謝拉特藏品專區，等利迷可以懷緬謝四嘅歲月。
識睇，一定係睇足英台【英波Live】：
http://soccer.appledaily.com
http://bit.ly/engballlive