有留意A股即市走勢的炒家，會發現近排喺下晝1點左右，例牌會chok一陣。例如噚日滬綜指1點左右就倒跌，2點後才確認升勢。而家港股跟A股，呢排恒指表現通常下晝1點最疲弱，噚日亦曾跟A股跌一輪。
有行家解畫，原來下晝1點，係內地場外孖展（內地叫「配資」）開始call孖展時間。不同配資公司有不同時限，但下晝2點就係所有配資補孖展的最後時間。如果客人補唔到倉，就會被斬倉，不問價掟貨。
配資槓桿高，稍微跌10%就可能被call孖展，等同賭大細。滬綜指由高位跌咗回吐最高20%，大部份配資隨時面臨call孖展。目前內地配資規模幾千億元，喺下晝1至2點做同一動作，會令個市勁chok。當2點後，塵埃落定，若冇大規模斬倉，個市就會勁升勁彈；反之個市就會開始急瀉。
黃尹華