97年結業的荔園遊樂場，闊別18年明日在中環重現，梁思浩昨午打人情牌孖陳彥行入場遊園，並在微博貼相晒命。他昨日在電話中否認潛入試玩，他說：「出面咁多保安，邊得咁易。想當年荔園閂燈前一星期，邱生（邱德根）同我拍過一個特輯，嚟緊開幕會播番呢條片，今日我入去搵細邱生（邱達根）傾啲宣傳，佢秘書胡生安排我哋行一轉。」又指新荔園勾起當年快樂回憶：「1比1假大笨象好吸引。」又愛掟階磚的他說：「邱生教我獨門貼士，要將硬幣平放手掌，千祈唔好片，要輕力直線咁送入去，一彈就會跌窿。」行姐最愛荔園過山車：「冇乜束縛，地方空曠，特別刺激。」
當年不少電影曾到荔園取景，有梁詠琪（GiGi）和陳曉東合作的電影《初戀無限Touch》等，荔園重現，GiGi昨透過助手回應：「真係勾起好多回憶，希望開耐啲，等個女大啲帶佢去。」
採訪：陳杰
