羅霖前晚與顏子菲等在尖沙嘴出席手錶活動，她表示收藏手錶多過鑽石，問到她最貴的手錶價值？羅霖說：「近七位數，係自己買。前夫同媽咪都有送，但多數自己買，自己鍾意限量錶，不過要識揀，試過去瑞士旅行買鋼錶，要五位數字，錶芯個8字係紅色，好多人都鍾意，限量十隻，𠵱家都有升值十倍。」
最近羅霖投資翡翠玉石，她說：「自己受媽咪影響，15年前媽咪買咗翡翠吊墜，嗰時2萬幾，𠵱家升到50幾萬，可能內地啲人𠵱家開始鍾意，翡翠越來越貴。我唔會賣出去，因為都買唔返，仲升得多過鑽石。」而所有貴重物品羅霖打算留給三個兒子和未來新抱，她現在不會追求物質生活，只要開心健康就滿足。
採訪、攝影：溫敏芝