台灣名嘴蔡康永喺2001年公開出櫃，隔咗14年，最近佢就喺內地節目入面，就講到自已成為咗「出櫃導師」，因為好多藝人出櫃前會先問佢嘅意見，而佢就會企喺理性角度，多數都會攔住對方。
蔡康永喺節目中講到：「演藝圈很多明星跟我沒那麼熟，他們會偷偷地透過朋友，繞來繞去地傳簡訊來……對方說10分鐘後要出櫃了，來諮詢我的意見。」佢仲話可以理解對方突然喺呢10分鐘想要做自己，唔想再隱瞞粉絲，而對方會做咩決定，都係睇佢贊唔贊成，佢苦笑話：「我的壓力就這麼大，我倒楣嘛，就是唯一一個已經出了還健在的人。」
蔡康永仲喺講到「站在一個孤單的立場」，突然哽咽約30秒，佢含淚話：「我很希望很多人陪我，不要每次提到這個題目的時候，只能亮出我一個人是活着的人，我們總得給那些爸爸媽媽看，你出了櫃不會死掉，不是每個出櫃的人，都被社會逼到陰暗的角落，沒有路可以走。」
蔡康永表示其實好希望對方爽快地出櫃，但企喺理性嘅立場，佢都係會攔住對方，勸對方冷靜下，半年至1年之後，再搵佢商量，因為佢冇把握對方可唔可以承受佢曾經遭受嘅打擊。佢話：「我能夠做到的唯一一件事情，只是證明給那些擔心的爸爸媽媽看，我們並不是妖怪，可以很好的活在這裡。」