國際奧委會（IOC）前晚宣佈，力爭入2020年東京奧運嘅桌球，喺初選中同其餘17個賽項被剔除在外，暫無緣加入奧運大家庭，傅家俊（Marco、右）同吳安儀（左），異口同聲話「唔算好失望」，皆因預咗勝算不大，Marco就話最大影響係少咗途徑令更多人認識桌球。世界冠軍吳安儀就話，無論有冇奧運，都會繼續努力練波，尤其近年睇到香港桌球越嚟越蓬勃，有學界賽、又多咗學校有波枱，而自己近期又獲頒發「全年最值得關注體育新星」獎，代表其他界別都多咗關注香港桌球。另外，入選東京奧運次圈有八個賽項，包括呼聲最高嘅棒球/壘球，而香港有力爭牌嘅壁球同保齡球，就要等到九月東京奧委會將決定邊啲項目推薦畀IOC作決定。