政務司司長林鄭月娥噚晚就同老公林兆波去圓方拍拖睇戲，近期識睇梗係睇《殺破狼II》同《侏羅紀世界》啦！政改否決，林鄭梗係嬲嬲豬，睇打打殺殺嘅《殺破狼II》啱晒數，但戲名「狼狼聲」，你估殺狼邊得嚟「易」呀？
所以斷估林鄭應該係睇《侏羅紀世界》嘞，唔係話因為一家大細老少咸宜喎，而係大家有目共睹，成班建制派嘅表現有如「豬籮」一樣，連田少都忍唔住要喺facebook度貼張豬嘅相。另一方面，立法會有如「豬籮世界」一樣，班建制派個個好似失控嘅I-Rex咁走晒出嚟，結果表決咪出咗亂子囉！好嘞，究竟林鄭睇乜？就係《侏羅紀世界》喇，林鄭今次捨「狼」睇「侏」，而《侏羅紀世界》講走失恐龍，又咁啱政改表決當日呢，就「走失」咁多位議員，唔通佢想學危機處理？
蘋果20年 企硬我敢言
http://20.appledaily.com