要講最有心思嘅上市公司年報，本地珠寶股謝瑞麟（417）肯定數一數二，佢哋成班董事每年都會諗一個主題一齊影輯靚相，往年玩過夾band、着皮褸揸電單車，78歲嘅創辦人「大謝生」謝瑞麟喺舊年年報就扮美國歌手Bruno Mars嘅造型。今年呢本年報，佢哋相對係回歸平淡，玩懷念從前。
謝瑞麟一班董事喺今年年報冇乜特別造型，都係西裝、套裝，最特別係每位董事拎咗一張有紀念價值嘅相片刊登，大謝生與新抱兼公司主席邱安儀同樣拎出結婚照，大謝生嗰張攝於1964（右圖），至於邱安儀與老公謝達峰就喺1996年結婚（左圖），兩張相嘅男女企位係一樣㗎。