禮拜三(24日)谷草賽事用C加3跑道，由於受熱帶風暴鯨魚所影響，屆時或會在雨中作賽。谷草C加3欄跑道狹窄，一向對擺前走馬匹有利，以最近4月29日為例，便分別有「星運俊爵」、「澤心星」及「奧妙繽紛」一放到底，另有三匹頭馬守貼欄包廂靚位下建功，加上今季九場掛牌為變化地之谷草賽事，放頭馬僅一駒不入前四名，若臨場有雨更加要秤先放頭馬。
今戰列陣馬中，第二場「財神駕到」係全場唯一曾於谷草C加3欄上名之參戰馬，加上本身曾兩度於變化地入位，用黃皓楠減十磅，放出有權帶到。另外，第五場「智高星」谷草C加3欄及變化地都曾有贏馬紀錄，排一檔擺前走，隨時可以贏馬反彈。