五百萬合資格選民第一身目擊，歷史已經定性，2017，拉隊走得！618不是革命，起身走人，勉強算是……提腿運動！618事變仍然發酵中，欲罷不能。等埋發叔，配埋振英嘴臉，令人忍唔住笑！
最不可思議的是，等埋發叔，大媽喪哭！葉劉熱淚流，贏晒妝容，起碼上周咁高溫，哭崩都冇溶妝（Tempo幾時抽水？）另一個大媽嫻姨姨，懷仔兩婆孫都已經遣返大陸了，邊個欺負她？31個walkout黨，仲係人嚟嘅！
事實上嫻姨姨冇響應等埋發叔，冇煲呢鑊杰粥，但一樣跟葉劉喊咁口。外國傳媒極大機會誤解，發叔搞喊的兩個大媽，唔通係……搞大咗……？
等埋發叔，笨星金曲。填詞人好唔得閒，不過對住這33個笨星，唱乜都會一錘走音。
歌迷扮高永文凶阿伯那個腔口喊「我講埋先」，專心唱衰、勁噓、爆笑。講完。
等埋發叔，注定塌屋。8：28的比數，輸到建制派發茅，面如死灰。發晒足球夢的習總，嬲到拆你屋！
死人塌屋，「傷亡數字」剛好就是8票贊成，31票走佬，冥冥中，砌夠831！建制number黨，記得等埋，一路好走！