【本報訊】民主黨立法會議員何俊仁早前曾經提出，考慮在否決政改方案後辭職，引發變相公投讓市民表態。何俊仁昨指，會盡快與其他泛民團體及組織討論辭職公投一事，但他明言，「雖然我準備好，隨時都辭得，但似乎民間唔係太支持」。
民主黨主席劉慧卿昨早在一電台節目稱，相信何俊仁會再與其他政黨及民間團體探討是否應發動辭職公投，何回覆本報時稱，「做唔做都應該有個了結」，因此會盡快與其他組織商討。但他留意到民間團體對此反應麻麻，又指有泛民組織認為：「都係民主黨選番，未必咁鍾意，唔會幫手助選。」
何指假若放棄發動變相公投，民主黨也不需要再召開黨員大會表決。據了解，泛民陣營認為否決政改後，應留力應付區議會及立法會選舉，加上市民對辭職公投支持度不高，料辭職公投不會成事。一直反對何俊仁辭職公投的民主黨前立法會議員李華明指，「區選嚟緊，無論喺技術上、資源上，都睇唔到點解要辭職」，更指：「當初係學生組織話搞（公投），𠵱家佢哋都話唔參與。」
■記者許偉賢