港股進入中資大舉湧入的「大時代」，除妖股橫行，另一個較特別的地方，便是很多股份配股後，那怕是大折讓配股，股價卻違反常理地急升，詭異非常；很多蚊型新股上市後股價表現猶如火箭，全配售新股更厲害，兩日內升幅沒有十倍已可算「失敗」。
請教投行朋友，為甚麼會出現這樣的情況，朋友冷笑一聲，指妖股橫行、配股後股價大漲，以至蚊型新股狂升，其實只是由一個原因導致，就是市場錢太多，還要是錢多得來有點「盲」。他說：「配售又好，新股又好，其實要合法圍飛，難度一啲都唔高，但重點是圍完後點散貨。」
朋友續稱：「香港同大陸股市加強咗互聯互通後，將股價挾到超高然後散貨真係容易咗好多，而呢個問題可以完美地解決，就全因為有一班唔知邊度嚟，同埋唔知自己買緊乜嘅內地投資者，佢哋嘅強項就係又有好多好多好多錢……捉佢哋（莊家）？中國地大物博，點捉呀？」
如何解決？朋友指是死症。他說：「中港股市互聯互通，等同令香港股市倒退20年，回到靠消息嘅年代，自己執生啦。」莫非要鬥「盲」？
密西比