何超儀投資兼主演嘅電影《全力扣殺》票房收咗1,150萬，口碑都算唔錯，對佢嚟講，總算同老竇賭王何鴻燊有交代。不過噚日父親節超儀就唔可以同賭王慶祝，因為佢飛咗去歐洲黑山共和國受勳。
包起捧場老友
原來超儀早年憑喪屍恐怖片《Open Grave》啞女一角喺當地走紅，黑山政府認為佢對電影好有熱誠，不單當演員，又投資做老闆，對演藝界好有貢獻，所以決定頒發女爵士名銜畀佢。
黑山政府喺香港時間噚日朝早6點幾舉行封爵儀式，佢老公陳子聰、老友Eric Kwok、葉佩雯、陳奕迅同老婆徐濠縈、劉浩龍等都有份現身見證。
事後徐濠縈同葉佩雯都將超儀受勳嘅相放喺facebook等社交網站，超儀仲包起所有嚟觀禮嘅老友嘅機票同食宿費用，第一次獲封女爵士，佢當然係好開心，受封完，佢仲請晒成班朋友食飯慶祝。
撰文：馮仁昭
蘋果20年 企硬我敢言
http://20.appledaily.com