A股上個禮拜四、禮拜五連續兩日插水，滬綜指瀉近10%，市場人士百思不得其解，因為呢兩日內地並冇任何特別重大利淡因素出現。最大單新聞，當然係香港政改方案過唔到關。唔通兩者真係有關聯？
有內地投資界朋友向筆者表示，政改被否決對內地人嚟講，真係好震撼。因為人民日報、新聞聯播一路灌輸，香港主流民意支持政改，反對的只是一小撮人，但而家竟然係大比數否決方案，簡直匪夷所思。
一直以來，內地股民對習總心悅誠服，反貪腐、一帶一路、亞投行，單單有交代，簡直無所不能，所以才有國家牛市的信念。香港政改是重點工程，中央派大員坐鎮，但臨場射門竟然出現小學雞水平。政改鬧劇令股民醒覺，中央並非想像中的英明神武，恐怕才是不少人提早離場原因。
黃尹華