第三場賽事四班草地1200米，蔡約翰馬房有「飛廉之子」初次上陣，未知是否因為雷神操過「飛廉之子」唔騎而揀「帝豪寶貝」，令「飛廉之子」有4.4倍的「高水」。
結果「飛廉之子」在柏寶胯下表現出色，沿途一直領放，最終彈甩四身位之多贏馬，擺明大超班，以其姿態看來，將是馬房的重量級武器。
雷神接手文廐「帝豪寶貝」揀錯馬，只後上跑全無威脅之第二，與「飛廉之子」構成7.1倍熱Q。
「飛廉之子」本於上月初首次上陣，喺四班直路賽做正選配雷神，排位後卻因右前蹄側裂退出，今次正式初出轉路程雷神唔騎益柏寶，反為由柏寶騎開之「帝豪寶貝」卻換雷神，配搭嚟個對調，結果「飛廉之子」戴眼罩一出即勝，三歲澳洲PPG贏一條街返嚟，柏寶未到終點已經擰轉頭望，蔡約翰馬房連續第三戰贏馬。
呢場二、三名爭持激烈，「騰煌」影相僅輸少少不敵「帝豪寶貝」跑第三，第四名由「保羅威威」後上攞到。