郭政鴻有女萬事足，大女郭倩欣（Kaley）和細女郭詠之（Ashley）分別6歲半和4歲，政鴻日前帶她們到銅鑼灣一間畫室學畫畫。見Kaley和Ashley創意無限，在畫布上畫星星、花及蛋糕等圖案，Kaley還替妹妹「補飛」，將花朵添上更多色彩，足見姊妹情深。
Kaley和Ashely雖然是女仔，但個性俏皮又活潑，經常跳起爬上爸爸身上，政鴻卻一臉冧樣說：「佢哋成日話有秘密要講，之後就跳上嚟，仲要每朝錫錫。」郭政鴻全副心機栽培兩女成材：「我原本唔係怪獸家長，但香港教育係咁，個個小朋友都十項全能，所以我都畀佢哋學畫畫、跳舞、樂器等，希望發掘到佢哋潛能。」政鴻表示載她們上學時可增進父女感情，他說：「喺屋企顧住玩會分心，反而坐車二十分鐘可以傾好多偈。」
撰文：嵐山
場地：悠油畫室