女拔十優狀元兼劍橋法律系畢業嘅麥明詩(Louisa)，成功殺入港姐二輪面試。咁啱當日係政改被否決，傳媒即追問Louisa點睇，但佢就未有回應，並謂現未正式入圍港姐，唔適合講太多。
之前有網民已迅速起底，指Louisa除咗喺12年出席一個活動上，與現任特首梁振英見過面外，亦與梁振英細女梁頌昕同屬劍橋同屆生。梁頌昕有份為Louisa慶祝生日，還面貼面影相；Louisa畢業禮上，梁頌昕亦有出席，份屬老友。
當年Louisa當上十優狀元之時，接受傳媒訪問期間，直言雙普選是香港大方向，又表示希望將來從政，故選修法律，希望藉此踏上從政之路，目標是做女特首。Louisa又責當時(09年，時任特首是曾蔭權)政府施政拖延失誤處處，故此希望從政扭轉敗局。
雖然自參選以來Louisa暫時選擇封口避談政治，未知是因為無綫、或者因為與梁頌昕之關係而暫時消音，但睇番去年佔領期間，其實Louisa都有去佔領區，生日時還貼圖落hashtag「我要斟普洱」……Louisa還曾感觸寫道:「曾幾何時，快樂，已經成為一種奢侈品。 一年前，那稚氣滿盈的雙眸，開懷的大笑，去了哪？那對生命的熱愛，以及無限的憧憬，給磨滅了嗎？是天意弄人？是自作自受？還是對童真的留戀、成長的逃避？」文筆，挺不錯。