現年34歲、於神劇《天與地》飾演少年家明冒起的張景淳，最近捲入多角戀關係中，上周二被本報獨家影到在車廂「頭耷耷、眼濕濕」死𧄌狂喊求女友宋雙佳復合。昨日讀者H先生代張景淳前女友C小姐報料，公開張景淳當年在加拿大的暴行。他與張景淳在中學時期於溫哥華讀同一間學校，對方經常用喊功求當時女友復合，並提供一段聲帶，一把聲音疑似張景淳聲音的男子不停抽泣說：「你可唔可以打電話畀我吖，我真係好辛苦呀，我唔想聽到你講嗰啲嘢……我唔該你打電話畀我吖……」另有數張16、17歲時的張景淳與一個女仔的拍拖合照，兩人分別在影樓、屋企及影貼紙相，相信有過一段甜蜜關係。
暴力打到牆穿
不過，H先生昨日接受電話訪問時直斥張景淳疑有暴力傾向，他說：「佢以前女友C小姐話同佢分手，就跟住人去對方補習嘅地方，企喺唔識嘅人屋企門口。有人郁手，個女仔塊面損咗，本來想報警，但佢阿媽求情，C小姐就心軟，話晒拍咗三年拖，但之後患厭食症，面上疤痕十幾年都未能消退。」
H先生續透露有另一受害人：「佢分手一陣又追咗個插班生B小姐，因為佢控制慾好強，拍咗一個月又分手，佢就打穿人哋屋企幅牆，呢件事喺西溫哥華華人區好多人都知。」他還透露張景淳以前叫Stanley Lam，因媽媽改嫁後才改姓張，由於出身小康之家，經常與酒肉朋友吃喝玩樂，他說：「佢連中文都肥佬，Grade 12留完班都畢唔到業。」記者昨日致電張景淳，至截稿前仍未回覆。
另外《潮拜武當》前晚大結局，劇中演員錢小豪、梁靖琪、蔚雨芯、張惠雅（Regen）等相約在尖沙嘴食飯，有份演出的張景淳未有現身，未知是否擔心見到舊愛Regen感尷尬。
採訪：嵐山
蘋果20年 企硬我敢言
http://20.appledaily.com