【壹週刊】做香港人，生活真艱難。近日一幅《港鐵沿線物業呎價圖》，只得十二個港鐵站物業，呎價是低過一萬元。香港人平均要十五年，才儲夠錢買五百多呎中小型單位。生活壓逼，想旅行散心？唔使諗。壹仔為大家搜羅各「窮人恩物」，等大家慳玩之餘亦可慳食。
位於葵涌廣場二樓的食店「回味無窮」，外觀與一般小食店無異，記者望一望餐牌，即時O了嘴：有魚蛋飯、燒賣飯、芝士腸飯及獅子狗飯等。其中「招牌菜」魚蛋飯，顧名思義，就是七粒咖哩魚蛋配一個白飯，還保證多汁，現售十三元一盒。另外亦有雞扒飯、豬柳漢堡飯等較飽肚飯類，也只是十五元。雖然騎呢，但中午時間鋪外已有一條長長人龍，主要是學生哥及街坊，到晚上六點半打後，則見OL及一班師奶大叔。
老闆陳志榮，今年只三十多歲，平價飯已賣足十年。他說這些魚蛋飯，毛利其實極低：「每個飯扣除食物成本，其實只賺一蚊左右。雖然每日都有人龍排隊買，但好睇唔好食囉！」這樣計算，每日排五百人買飯，陳老闆落袋的也只是五百多元。為此，陳老闆兼賣毛利較高的小食及糕點，如砵仔榚、芝麻榚及紅豆榚等，售十四元三件，這令鋪頭同時有綽頭、又有錢賺。
iPhone版下載：
http://goo.gl/1SDaWF
Android版下載：
http://goo.gl/xfQS8D
壹週Plus網頁：
http://nextplus.nextmedia.com/