617過後，政治生態跟社會常態必然會「黃金交叉」，市民醒水，快速適應：
一，但凡撐政府，都有號碼隨身。篤數新常態，號碼化的強項是向對手晒冷，但壞處是市民憑號碼認人，一有衝突，件tee背後雞乸咁大隻字，唔使認人手續中戴浴帽啦，想甩身？第二世啦！
二，建制派傻B，為了撐831，數臭晒千二個神聖到痹的提委。得罪咁多界別，單係漁護界已經唔like，王國興議員咁搞法，遲早累街坊，無魚食（無衣食），被迫餐餐雞鴨鵝！
三，犯咗法又點喎！大成小學五年班女生，與全國獨立黨有什麼相同和相異之處？明年DSE常識科，必考！
四，林鄭說會裸退，退休後返新界搵樓。噢，仆街鄉紳大把僭建丁屋，等緊林鄭去「理順」。土地問題，鴨鵝解決，狼的摺凳，慳啲！
五，831打回頭，邊個要揹鑊？全中國最帥的富二代都在這兒啦，竟然唔肯出幾個零頭買票，算什麼狗屁高富帥！
只顧抽水不肯落油，票債肉償，2016，就要落鑊！